تحميل كتاب سندريلا سيكريت pdf هبة السواح

كتاب سندريلا سيكريت Cinderella's Secret هبة السواح

حول سندريلا سيكريت

كتاب سندريلا سيكريت صادر عن دار الرواق في مطلع 2017، وهو تأليف هبة السواح المدربة والاخصائية في مجال العلاقات الأسرية و التنمية الذاتية. المعلومات السابقة حول نشاط الكاتبة هبة السواح توضح بصورة كبيرة فحوى عملها المعنون بـ " سندريلا سيكريت " وتصنيفه قبل قرائته ككتاب في مجال التنمية البشرية.

سندريلا سيكريت ..كتاب أم رواية؟

كتاب سندريلا سيكريت - وكما ذكرنا - يصنف كواحد من كتب التنمية الذاتية؛ فهو يساعد على تحديد الشخص لأهدافه وكيف يتعامل مع المشاكل الحياتية والقضايا اليومية التي تشغل كل فرد.. إذن فهو كتاب؟

في الواقع إن مجال التنمية الذاتية بصفة عامة يتميز بالدسامة في طرح المعلومات التي قد تصل في كثير من الأحيان إلى حد الإملال؛ لذا فقد اختارت الكاتبة هبة السواح صياغة الكتاب في على هيئة رواية، وهو ذكاء من الكاتبة مكنها من نقل ما تريد من معلومات إلى القارىء ولكن في قالب روائي مسل.

نضف إلى ذلك أسلوب الكاتبة الذي يتميز بروح الدعابة وخفة الظل، فالأسلوب الساخر يصل بالمعلومة إلى قلب القارىء بسرعة وسلاسة. اختارت الكاتبة رواية مشهورة للغاية ومعروفة للجميع وهي سندريلا، ثم صاغتها في قالب كوميدي يشع بروح وجو مصري خالص، ورواية سندريلا سيكريت مكتوبة بمزيج من اللغة العربية الفصحى والعامية المصرية.

من داخل رواية سندريلا سيكريت

أغلبنا اتربى على قصص وأساطير سندريلا والأميرات.. واتزرع فينا بشكل ما إن الحياة السعيدة أو الـ Happily Ever After هتحصل لما مشاكلنا تنتهي بمعجزة.. ونلاقي الأمير الجامد اللي نقع في غرامه.. ونتجوز ونعيش عيشة فل.. وتوتة توتة خلصت الحدوتة! كل ده كلام جميل كلام معقول ماقدرش أقول حاجة عنه.. لكن للأسف مالوش أي علاقة بالواقع! الواقع إن سر العيشة الفل هو السؤال اللي حيّر الملايين.. السؤال اللي هنجاوب عليه من خلال صفحات الكتاب.. السؤال اللي لو معندكيش إجابة عليه يبقى إنتي غالبًا ماشية في مسار غلط عشان توصلي مكان انتي مش عايزه تروحيه.. يبقى انتي عايشة زي ما المجتمع بيقولك وخلاص.. بتدوري على السعادة والنجاح في حدود القالب اللي مجتمعك حطك فيه، سواء كان اسمه كليات القمة أو العربية الشيك أو الجوازة اللي "شكلها" حلو وخلاص.. مشدودة بين اللي بيقولك إنك دورك في الحياة إنك تتجوزي وتخلفي وبس.. وبين اللي بيقولك اتمردي على الرجالة كلها بلا وجع دماغ! إيه هو بقى سر العيشة الفل؟ موضوع مش للبنات بس!

تقديم المؤلف إيهاب معوض - مؤلف كتاب الرجال من بولاق والنساء من أول فيصل - لـ رواية سندريلا سيكريت:

"رغم أنفي أنا المدعو إيهاب معوض..

أرجوكو بلاش تشتروا الكتاب ده، وهاقولكوا ليه:

بيربطني بـ هبة السواح معرفة قديمة تزيد عن أربع سنين.

دايمُا كنت بالجأ لها مع كل كتاب باعمله، وأضحك عليها بعلبة شوكولاتة علشان آخد منها مادة علمية أغذي بيها الكتاب، من منطلق أنها متخصصة وواخدة الموضوع بشكل علمي، ودارسة على إيد أكبر المتخصصين في العالم؛ زي دكتور جون جراي وجون جوتمان، وغيرهم وغيرهم.

المهم؛ كان دايمًا يقوم بيني وبينها خناقات - من باب النفسنة - هي تقولي انت كاتب مجهول المصدر، وأنا أقولها انتي شوية معلومات متبعترين، لحد ما جالها إحباط واتخنقت مني ومن البلد وقررت تهاجر كندا!.

تخيلت أنا بقى إني خلاص خلصت منها.. لحد ما من شهرين بالتحديد بعتتلي ( بي دي إف ) للكتاب ده ومعاه إيموشن مطلع لسانه!! قريت الكتاب واتصدمت!! هار أزرق!! انتي اللي كاتبة ده يا هبة؟ خراب بيتك يابو إهاب، ده كتاب بجد! مادة علمية مكتملة وحديثة، أسلوب احترافي، خفة دم وحضور وإثارة وتشويق، فكرة عمرها ماتخطر ببال حد! إزاي قدرت تعمل من أسطورة سندريلا قصة واقعية بتعيشها كل بنت وامرأة انهاردة؟! ازاي قدرت تدس المادة العلمية والنصيحة والحل بمنتهى المكر وخفة الروح.. ومن غير ما تحسس أي بنت إنها قاعدة قدامها بتتعلم ازاي تفهم نفسها وتدير حياتها.. ازاي تعرف هي مين وعايشة ليه.. ازاي تعرف تحقق التوازن وتبقى مؤثرة وتتخلص من عيوبها وتجاربها السلبية؟!

وفوق كل ده: ازاي أنا - وأعوذ بالله من كلمة أنا - أستفيد من كلامها كده!

لاااااا، كده هانقعد كلنا في البيت، لازم الكتاب ده يتوقف بأي طريقة!!

طبعًا حاولت أقنعها بكل الطرق ما تنزلش بالكتاب ده على أساس إنه ضعيف جدًا، بس هي طبعًا سوسة وفقساني! وبعد محاولات وتحايلات، وعشان العشرة والأخوية والعيش والشوكولاتة.. وافقت إن هبة تنزل بالكتاب ده، على شرط إنها تنسى تمامًا إنها تكتب أي كتاب تاني بعد كده.. علشان أعرف آكل عيش!

دي حكايتي مع الزمان.. قصدي مع الكتاب ده. علشان كده، ومن منطلق العشرة، أرجوكوا انتوا كمان.. بلاش تشتروا الكتاب ده."